Svíar hafa langa reynslu af framleiðslu á metan ökutækjaeldsneyti og hafa aukið framleiðslu sína mikið síðastliðin ár. Samkvæmt meðfylgjandi frétt á Biogasportalen nam heildarframleiðsla Svía á árið 2008 jafngildi orkuinnihalds í 154 milljónum lítra af bensíni eða um upp 1,4 TWh. Svíar framleiddu því metan eldsneyti á árinu 2008 sem dugar fyrir um 130.000 fólksbíla miðað við 15.000 km meðalakstur á ári.

Snorri Karlson leigubílstjóri hjá Hreyfli lét uppfæri leigubílinn sinn nýverið , Honda CR-V 2008, í metan/bensínbíl svo hann eigi einnig val um að aka leigubílinn á metan eldsneyti eða bensíni. Bíllinn getur eftir sem áður gengið fyrir bensíni þar sem eingöngu er um að ræða að bæta við bílinn smá búnaði og stilla stjórntölvuna. Ráðlegt er að gera ráð fyrir að uppfærsla á bíl taki 4-5 daga en styttri tíma ef um er að ræða nokkra bíla af sömu gerð og tegund.

Toyota kynnti nýja tegund metanbíls á bílsýningunni India´s Auto Expo 2010, Corolla Altis CNG. Toyota fylgir hér eftir kynningu fyrirtækisins á Toyota Innova frá árinu 2009 en sá bíll var fyrsti metanbíllinn sem Toyota setti í almenna dreifingu fyrir utan Japan.